1Sa 21 | ZomZIV | STEP | Siampi Ahimelech omna Nob ah David a pai hi. Ahimelech in a muh ciangin linga, “Nang kia bek maw? Kuamah tawh hong ton lo maw?” ci-in a dong hi.

1 Samuel 21

Nob ah David

1 Siampi Ahimelech omna Nob ah David a pai hi. Ahimelech in a muh ciangin linga, “Nang kia bek maw? Kuamah tawh hong ton lo maw?” ci-in a dong hi.

2 David in siampi Ahimelech kiangah, “Kumpipa in na khat hih dingin hong sawla, “Na nasep ding le na lamlahna kuamah theisak kei in,” hong ci hi. Ka mite tawh mun khata kituah dingin ka gen hi. 3 Tua hi in tu-in nang bang na nei hiam? Anlum nga hiam na muh khat peuhpeuh hong pia in,” ci-in a dawng hi. ^a

4 Ahi hangin siampipa in David tungah, “Kong piak ding anlum mawkmawk ka nei kei hi; ahi zongin mite numei panin a kidaam zawh leh - hih lai-ah a ki-apsa anlum pawlkhat a om hi,” ci-in a dawng hi.

5 David in, “Ka paikhiat mawkmawk uh ciangin zong kote numei tawh ka kisawhkha kiuhkeuh kei uh hi. Kong kuankhiat ^{▼▼21.5 Ahikeh a beisa ni tawmkha sunga kipan kote panin} un a siangtho lo pasalte’ nate ^{▼▼21.5 Ahikeh pumpite} nangawn a siangtho ahi hi. Tuni-in kisiangtho ngel lo dia!” ci-in a dawng hi. 6 Tua ciangin siampipa in a kilakkhiat ni-a anlum a lumlai tawh a kilaih TOPA mai pana kilakhia Ompihna anlum longal adang om lo ahi manin a ki-apsa anlum amah a pia hi.

7 Tua ni-in tua lai-ah Saul nasemte, TOPA mai-a kiziakaisak khat a om hi; amah Saul tuucing makaipa Edom-te Doeg ahi hi. ^d

8 David in Ahimelech kiangah, “Hih lai-ah teipi ahikeh namsau na nei na? Kumpipa nasepna kinawh lua ven, ka namsau le ka galhiam dangte hong keng kei veng aw?” ci-in a dong hi.

9 Siampipa in, “Elah Kuam sunga na thah Philistia-pa Goliath’ namsau hih lai-ah om mah; puanin kitun a siampi puan nungah om hi. Na deih leh tua la in, tua longal hih lai-ah namsau dang om lo hi,” ci-in a dawng kik hi. ^e

David in, “Tua sanga hoihzaw om kenteh; hong pia mai sin,” a ci hi.

Gath ah David

10 Tua ni-in Saul kiang panin David tai-a Gath kumpipa Achish kiangah a tung hi. 11 Ahi hangin Achish nasempa in a kiangah, “Hih gam kumpipa David hi lo ahi hiam, amaute in lamsa-in la sa uh a:

“‘Saul in a tultulin that,
David in a tul sawmsawmin that’ ci-in la-a a sakpa uh hi lo hiam?” a ci hi. ^f

12 David in hih kammalte a lungsimin phawk gige-a, Gath kumpipa Achish a kihta mahmah hi. 13 Tua ciangin amaute muhna-ah mihai kineih a, amau khut sunga a om sungteng mihai bangin na sem-a, kongpi kongkhakte kuipawl gawpin a khamul tungah a ciltui a kaisak hi.

14 Achish in a nasemte kiangah, “Huapa en sin! Mihai hi lo hiam? Bang dinga hih lai-ah hong tun laizang? 15 Ka mai-ah hih banga gamta dingin hihpa nong puak uh, mihai kisam ka hi hiam? Hih mipa ka innah hong lut loh phamawh ahi hiam?” a ci hi.